سینئر اداکار سہیل اصغر انتقال کر گئے۔

سینئر ادا کار سہیل اصغر کچھ ایک ہفتے سے علیل اور ہسپتال میں داخل تھے، ان کا ڈیڑھ سال قبل بڑی آنت کا آپریشن بھی ہوا تھا۔

سہیل اصغر کے اہل خانہ نے بھی ان کے انتقال کی تصدیق کی ہے، اہل خانہ کے مطابق ان کی نماز جنازہ کل نماز عصر کے بعد کراچی بحریہ ٹاون میں ادا کی جائے گی۔

سہیل اصغر نے لاہور سے اپنے کیریئر کا آغاز کیا، ان کے مشہور ٹی وی ڈراموں میں چاند گرہن، دکھ سکھ، خدا کی بستی، کاجل گھر اور دیگر ڈرامے شامل ہیں۔