الیکشن کمیشن نے مہمند میں ڈسٹرکٹ الیکشن کمیشن کے دفتر پرحملے کا سخت نوٹس لیا۔ سیکرٹری الیکشن کمیشن نے آئی جی خیبرپختونخوا سے رابطہ کیا۔

ڈسٹرکٹ الیکشن کمشنرنے ڈی پی او مہمند کو خط لکھ کر رکن صوبائی اسمبلی نثار مہمند کے خلاف ایف آئی آر درج کرنے کی ہدایت کردی۔ چیف الیکشن کمشنر کا کہنا ہے کہ ملوث عناصر کو قانون کے مطابق سخت ترین سزا دی جائے۔

ترجمان الیکشن کمیشن کے مطابق آئی جی خیبر پختونخوا نے سیکرٹری الیکشن کمیشن کو ذمہ داروں کے خلاف فوری کارروائی عمل میں لانے کی یقین دہانی کرائی ہے۔

دوسری جانب ڈسٹرکٹ الیکشن کمشنرنے ڈی پی او کے نام خط میں لکھا ہے کہ ڈسٹرکٹ الیکشن کمشنر دفتر میں سٹاف کو ہراساں کیا اورسنگین نتائج کی دھمکیاں دیں۔

خط میں مزید بتایا گیا ہے کہ اپنے ورکرز کو تشدد کے لیے اشتعال دلایا رکن صوبائی اسمبلی نے دفتر پر ایک ہی دن میں 2 مرتبہ دھاوا بولا۔ سرکاری امور میں مداخلت، سٹاف کو ہراساں اور دفتر کی پراپرٹی کو نقصان پہنچانے پر ایف آئی آر درج کی جائے۔