پاکستان نے سعودی عرب پر بیلسٹک میزائل حملے کی شدید مذمت کی ہے۔

ترجمان دفتر خارجہ کے مطابق ایسے حملے عالمی قوانین کی خلاف ورزی ہے، میزائل حملے سعودی عرب اور خطے کے امن کیلئے بھی خطرہ ہیں۔

انہوں نے کہا کہ پاکستان سعودی عرب کی بھرپور حمایت کرتا ہے۔

خیال رہے کہ سعودی عرب کے سرحدی شہر جزان پر یمنی حوثی باغیوں کے حملے کے نتیجے میں 2 افراد جاں بحق اور 7 زخمی ہو گئے ہیں۔

حوثیوں کی جانب سے فائر کیے گئے میزائل سے جاں بحق ہونے والوں میں ایک سعودی اور ایک یمنی شہری شامل ہے۔