کوئٹہ: وزیراعلیٰ بلوچستان قدوس بزنجو مطالبہ کیا ہے کہ بارشوں سے جاں بحق افراد کے لواحقین کیلئے فی کس 10 لاکھ روپے دیے جائیں۔

انہوں نے مطالبہ کیا کہ وفاق اس مشکل گھڑی میں بلوچستان کے عوام کا ساتھ دے، آج وفاقی وزیر کے ہمراہ ایک اہم اجلاس ہوا ہے جس میں حالیہ بارشوں سے ہونے والے نقصانات کا جائزہ لیا گیا ہے۔

وزیراعلیٰ قدوس بزنجو نے کہا کہ حالیہ بارشوں سے بلوچستان سب سے زیادہ متاثرہوا ہے، ہونے والے نقصانات کا ازالہ کرنا بلوچستان حکومت کے بس کی بات نہیں ہے۔

قدوس بزنجو نے کہا کہ حالیہ بارشوں سے کھڑی فصلوں کو بے حدنقصان پہنچا ہے، حقوق کی جنگ لڑنی ہے تو اسمبلی میں بیٹھ کر لڑیں۔

وزیراعلیٰ بلوچستان قدوس بزنجو نے کہا کہ شرپسند افراد بلوچستان کا امن تباہ کرنا چاہتے ہیں۔