سرائے عالمگیر: دلہن لینے کے لیے آنے والی بارات کے شرکا اس وقت اسپتال پہنچ گئے جب ان پر شہد کی مکھیوں نے حملہ کردیا۔

ریسکیو ذرائع کے مطابق بارات پر شہد کی مکھیوں نے حملہ کیا جس کی وجہ سے 150 سے زائد باراتی متاثر ہوئے ہیں، متاثرین میں دولہا بھی شامل ہے۔

اس حوالے سے ریسکیو ذرائع کا کہنا ہے کہ شہد کی مکھیوں نے بارات پر اس وقت حملہ کیا جب ایک بچے نے شہید کی مکھیوں کے چھتے پر پتھر پھینک دیا۔

ریسکیو ذرائع نے بتایا ہے کہ شہد کی مکھیوں کے کاٹنے سے متاثر ہونے والے باراتیوں کو ٹی ایچ کیو اسپتال منتقل کردیا گیا ہے۔