وزیراعظم نے اپنے پیغام میں کہا کہ ہمیں ماضی کی کوتاہیوں سے سبق سیکھتے ہوئے منزل کے حصول کے لیے جدوجہد کرنا ہوگی۔جمہوری اقدار کی پاسداری سے ہی پاکستان کو مزید مستحکم بنایا جا سکتا ہے.انہوں نے کہا قائد اعظم نےعمربھر ٹھوس دلائل اور جمہوری اصولوں کی بنیاد پر مسلمانان ہند کے مذہبی، سماجی اور اقتصادی حقوق اور تشخص کا مقدمہ لڑا، قائد کے افکاروخیالات کی روشنی میں ایک مضبوط اور ترقی یافتہ پاکستان کے لیے جدوجہد کریں گے۔وزیراعظم نے کہاہم قائد کے افکار وسوچ کو تازہ کریں گے۔ تاریخ کا غیر جانبدارنہ تجزیہ مستقبل کا لائحہ عمل مرتب کرنے میں معاون ہوگا۔