عمران خان کی احاطہ عدالت سے گرفتاری کا معاملہ ۔اسلام آباد ہائی کورٹ کے چیف جسٹس عامر فاروق نے معاملے کا نوٹس لے لیا ۔آئی جی اسلام آباد، سیکرٹری داخلہ کو پندرہ منٹ میں طلب کرلیا۔

رپورٹ کے مطابق ایڈیشنل اٹارنی جنرل کو بھی پندرہ منٹ میں پیش ہونے کی ہدائت کی گئی ہے۔

تحریک انصاف کے سربراہ عمران خان کی گرفتاری پر چیف جسٹس اسلام آباد ہائیکورٹ نے شدید برہمی کا اظہار کرتے ہوئے 15 منٹ میں آئی جی سیکرٹری داخلہ کو عدالت میں پیش ہونے کا حکم دیدیا۔

چیف جسٹس عامر فاروق نے کہا ہے کہ ہدایات لے کر فورا بتائیں کہ یہ کام کس نے کیا ہے؟ اگر کارروائی کرنا پڑی تو وزیراعظم اور وزرا کے خلاف بھی کارروائی ہو گی۔

Advertisements

جس پر ایڈووکیٹ جنرل ی جانب سے پندرہ منٹ کا وقت آدھے گھنٹے تک بڑھانے کی استدعا کی گئی جو چیف جسٹس نے مسترد کردی ۔ چیف جسٹس نے مزید ہدایت کی ہے کہ یہ بھی بتائیں کہ کس کیس میں گرفتاری عمل میں لائی گئی۔