لاہور میں رواں سال نیگلیریا کا پہلا کیس رپورٹ ہوگیا۔ نجی لیبارٹری نےتصدیق کردی۔

تفصیلات کے مطابق لاہور میں تیس سالہ مریض میں نیگلیریا کی تصدیق ہوئی ہے، مریض کو سروسزاسپتال داخل کرلیا گیا،مریض کو چار روز سے سردرد، بخار سمیت مختلف علامات تھیں۔

ایم ایس سروسزاسپتال کے مطابق نیگلیریا کے کیس پرہسٹری معلوم کی جارہی ہے،کیس پرماہر ڈاکٹرز کی ٹیم مامور کردی گئی ہے اور مریض کے علاج کیلئے بورڈ تشکیل دیا جائے گا۔

طبی ماہرین نے کہا ہے کہ نیگلیریا صاف پانی میں افزائش پاتا ہے اور ناک کے ذریعے انسان میں داخل ہوتا ہے۔ نیگلیریا انسان کے دماغ کو کھانے والی حیاتیات ہے، جس سے انسان کی ممکنہ موت واقع ہوجاتی ہے۔