ناسا نے سیارچے بینو کی مٹی کا سب سے بڑا نمونہ حاصل کر لیا ہے اور یہ خلائی مشنز میں اب تک اپنی نوعیت کا تاریخ ساز لمحہ ہے۔

غیر ملکی میڈیا کے مطابق امریکی خلائی ایجنسی ناسا نے زمین کے قریب دریافت ہونے والے کاربن سے مالا مال سیارچے بینو کی زمین سے مِٹی کا اب تک کا سب سے بڑا نمونہ حاصل کر لیا ہے اور یہ مشن نظام شمسی کے باہر سے شہاب ثاقب کے نمونے لے کر کامیابی سے زمین پر واپس اتر گیا ہے۔

ناسا کا خلائی کیپسول سیارچے سے 250 گرام مٹی کا نمونہ لے کر 3 ارب 86 کروڑ میل کا فاصلہ طے کر کے امریکی ریاست یوٹاوہ کے صحرامیں اُترا۔ ان نمونوں سے سائنسدانوں کو نظام شمسی کی تشکیل اور زمین کی ابتدا کے بارے میں اہم معلومات ملنے کی امید ہے۔

ناسا نے سیارچے بینو کی مٹی کا نمونہ حاصل کرنے کا مشن سات سال پہلے لانچ کیا تھا، زمین کےقریب کاربن سے بھرپور سیارچہ بینو 1999 میں دریافت ہوا تھا، 1600 فٹ کا یہ سیارچہ ہر 6 سال بعد زمین کے قریب سے گزرتا ہے۔

Advertisements

اس سے پہلے جاپان کا خلائی مشن بھی دو بار سیارچے سے مٹی کے نمونے لے کر آیا ہے لیکن ان کی مقدار اس سے کہیں کم ہے۔