• صفحہ اول
  • /
  • خبریں
  • /
  • ویڈیو:موبائل بیک کور میں پیسے نہ رکھنا آپ کی جان بچا سکتا ہے

ویڈیو:موبائل بیک کور میں پیسے نہ رکھنا آپ کی جان بچا سکتا ہے

موبائل فون ہماری زندگی کا اہم جز ہیں اور آج کے دور میں اس ڈیوائس کے بغیر گزارہ تقریباً ناممکن سا ہوگیا ہے مگر موبائل کے بیک کور کے پیچھے کرنسی نوٹ رکھنا کافی خطرناک ہوسکتا ہے۔

سوشل میڈیا پر ایک ویڈیو وائرل ہورہی ہے جس میں بتایا گیا ہے کہ موبائل فون کے بیک کور کے ساتھ کرنسی نوٹ رکھنے کا رواج کتنا نقصاندہ ثابت ہوسکتا ہے۔ ویڈیو میں خاتون نے اس عمل کے ممکنہ خطرات اور نقصانات کے بارے میں صارفین کو آگاہ کیا ہے۔

کلپ میں خاتون کا کہنا تھا کہ استعمال کے دوران فون کا پروسیسر ایک گرمائش (ہیٹ) پیدا کرتا ہے، جس کی تپش کے باعث ممکن ہے کہ بیک کور میں رکھا گیا نوٹ آگ پکڑ لے۔

اس کی وجوہات بتاتے ہوئے خاتوں کا کہنا تھا کہ کرنسی نوٹ بنانے کے لیے جو کاغذ استعمال کیا جاتا ہے اس میں کیمیکلز موجود ہوتے ہیں۔ فون کے گرم ہونے کے باعث یہ نوٹ باآسانی آگ پکڑسکتے ہیں۔

ویڈیو میں مزید بتایا گیا کہ اس طرح کے واقعات کے نتائج تباہ کن ہوسکتے ہیں جس سے نہ صرف صارف کو خطرہ ہے بلکہ موبائل فون کو بھی بری طرح سے نقصان پہنچ سکتا ہے۔

انسٹا گرام پر اس معلوماتی ویڈیو کو اب تک ساڑھے بارہ ملین سے زائد لوگ دیکھ چکے ہیں جب کہ ایک لاکھ ساٹھ ہزار سے زیادہ افراد نے اس پر اپنی پسندیدگی کا اظہار کیا ہے۔

خیال رہے کہ موبائل نہ صرف ایک بہترین مددگار الیکٹرانک ڈیوائس ہے بلکہ کوئی بھی شخص اس سے متعدد سرگرمیاں انجام دے سکتا ہے۔

Advertisements
julia rana solicitors

موبائل کے ذریعے لوگ لمحہ بہ لمحہ اپنے پیاروں سے رابطے میں رہتے ہیں۔ اس سے یادگار لمحات کی تصاویر کھینچتے ہیں جب کہ بلز ادا کرنے اور بینک ٹرانزیکشنز کے لیے بھی تواتر کے ساتھ استعمال کرتے ہیں۔

 

 

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply