گوگل  کیجانب سے خاندان کے افراد کیساتھ پاس ورڈ شیئرنگ کا آپشن متعارف کرا دیا گیا ہے۔

صارفین اب گوگل کے پاس ورڈ منیجر سے اپنے خاندان کے دیگر افراد کے ساتھ پاس ورڈ شیئر کر سکتے ہیں۔تاہم یہ سہولت صرف خاندان کے افراد تک ہی محدود ہوگی۔

اینڈرائیڈ اتھارٹی کی رپورٹ میں  کہا گیا ہے کہ  اس نئے فیچر کے ذریعے صارفین محفوظ طریقے سے اپنے پاس ورڈز خاندان کے دیگر افراد کے ساتھ گوگل پاس ورڈ منیجر کے ذریعے شیئر کر سکیں گے۔جب کوئی صارف پاس ورڈ شیئر کرے گا تو خاندان کے افراد کو اس کی کاپی ان کے گوگل پاس ورڈ مینجر میں موصول ہوگی۔

خیال رہے کہ   گوگل نے اس فیچر کا اعلان  فروری 2024 میں کیا گیا تھا مگر اب جاکر اسے باضابطہ طور پر متعارف کرایا گیا ہے۔

پاس ورڈ شیئرنگ فیملی گروپ میں شامل افراد تک محدود ہوگی جس میں آپ خود لوگوں کا اضافہ کر سکیں گے۔جب آپ فیملی گروپ بنا لیں گے تو ایک شیئر بٹن گوگل کے پاس ورڈ منیجر میں نظر آئے گا۔

Advertisements

رپورٹ میں بتایا گیا ہے یہ فی الحال یہ نیا فیچر  کروم کے ڈیسک ٹاپ ورژن پر دستیاب نہیں ہے  بلکہ ابھی صرف موبائل ایپ پر کام کر رہا ہے۔