• صفحہ اول
  • /
  • خبریں
  • /
  • شارک مچھلیاں ،جومنشیات بھی استعمال کرتی ہیں ؛سائنسدان پریشان

شارک مچھلیاں ،جومنشیات بھی استعمال کرتی ہیں ؛سائنسدان پریشان

انسان تو انسان اب منشیات استعمال کرنے والی شارک مچھلیاں بھی سامنے آگئیں۔  غیرملکی میڈیا کے مطابق برازیل کے ساحل پر شارک مچھلیوں میں کوکین موجود ہونے کی بات سامنے آئی ہے اور سائنس دانوں کا خیال ہے کہ اس کی وجہ سے ان کا رویہ بدل رہا ہے۔میڈیا رپورٹس کے مطابق سمندری حیاتیات کے ماہرین نے ریو ڈی جنیرو کے قریب ساحل سے 13 نوز شارک پر ایک تحقیق کی جس میں ان مچھلیوں کے پٹھوں اور جگر میں کوکین کی زیادہ مقدار ہونے کا پتا چلا۔

غیرملکی میڈیا کے مطابق یہ معلوم نہیں ہوسکا ہے کہ شارک مچھلیاں یہ منشیات کیسے کھا رہی ہیں، اس حوالے سے کئی قیاس آرائیاں اور افواہیں موجود ہیں۔میڈیا رپورٹس کے مطابق کچھ سائنس دانوں کا خیال ہے کہ کوکین ممکنہ طور پر منشیات تیار کرنے والی غیر قانونی لیبارٹریوں کی نکاسی یا پھر سیوریج کے پانی کے ذریعے سے سمندر میں پہنچتی ہے۔

اس بات کا بھی امکان ظاہر کیا گیا ہے اسمگلروں کی جانب سے چھپانے یا دیگر جگہ تک پہنچانے کے لیے سمندر میں پھینکے گئے منشیات کے پیکٹس سے یہ شارک مچھلیاں اسے کھا رہی ہیں۔

julia rana solicitors

غیرملکی میڈیا کے مطابق سائنسدان فی الحال یہ جاننے میں ناکام ہیں کہ کوکین سے ان مچھلیوں کو کس حد تک نقصان پہنچتا ہے تاہم ساتھ ہی اس بات کا شبہ ظاہر کیا گیا ہے کہ کوکین سے ان کی بینائی کو نقصان پہنچ سکتا ہے جس سے ان کے شکار کرنے کی صلاحیت متاثر ہوسکتی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply