سلام آباد:چیف جسٹس آف پاکستان میاں ثاقب نثار نے کوہاٹ میں میڈیکل کی طالبہ عاصمہ کے قتل کا نوٹس لے لیا۔

منگل کو سپریم کورٹ میں چیف جسٹس  کی سربراہی میں مردان میں زیادتی کا شکار ہونے والی ننھی اسما قتل کیس کی سماعت ہوئی۔

سماعت کے دوران چیف جسٹس نے کوہاٹ میں شادی سے انکار پر قتل ہونے والی عاصمہ قتل کیس کا نوٹس لیتے ہوئے آئی جی کے پی کےاور آرپی او سے 24 گھنٹوں میں رپورٹ طلب کرلی۔

سماعت کے دوران چیف جسٹس نےبرہمی کا اظہار کرتے ہوئے کہا کوہاٹ میں بچی کو قتل کرکے بندہ بھاگ گیا، کے پی کے پولیس کیا کررہی ہے؟،لوگوں کو ہراساں کررہی ہے۔

Advertisements

چیف جسٹس نے کہا کہ خیبر پختونخوا میں تحقیقات کا کوئی میکنزم نہیں، بتایا جائے کہ ملزم بیرون ملک کیسے فرار ہوا؟ کے  پی کے پولیس میں صلاحیت نہیں،چیف جسٹس نے استفسار کرتے ہوئے کہا کیا ملزم کا تعلق پی ٹی آئی سے ہے؟۔