لاہور : پنجاب کےعلاقے بورے والا میں قتل ہونے والے تیرہ سالہ لڑکے کی لاش کنویں سے مل گئی اور قاتل دوست نکلا، وزیراعلیٰ پنجاب نے قتل کا نوٹس لیتے ہوئے ڈی پی اووہاڑی سے رپورٹ طلب کرلی ہے۔

تفصیلات کے مطابق دوست نے دوست سے زیادتی کے بعدجان لے لی، بوریوالہ میں 13 سالہ علی منظور کو علی جان نامی طالب علم نے دو روز قبل اغواء کے بعد قتل کر دیا تھا۔

بورے والا میں ساتویں کلاس کا تیرہ سالہ علی منظور یکم فروری کو لاپتہ ہوا، اہلخانہ کو اسکول میں نویں کلاس میں پڑھنے والے دوست علی جان پر شک ہوا تو پولیس کو اطلاع دیتو پولیس نے ملزم علی جان کو گرفتار کرلیا۔

تھانے کی حدود سے ملنے والی سی سی ٹی وی فوٹیج میں دونوں ساتھ جاتے ہوئے دکھائی دیئے، علی جان نے اپنے دوست علی منظور کو اکیڈمی لے جاتے ہوئے اغوا کیا، زیادتی کی اور گلا گھونٹ کر مار ڈالا۔

مقتول کے بھائی کا کہنا ہے کہ اتل کو اذیت ناک سزادی جائے۔

Advertisements

وزیراعلیٰ پنجاب نے واقعے کا نوٹس لیتے ہوئے ڈی پی او وہاڑی سے واقعہ کی رپورٹ طلب کرتے ہوئے تحقیقات کا حکم دیا۔ وزیر اعلٰی کا کہنا تھا کہ مقتول کے لواحقین کی ہر ممکن مدد کی جائے گی اور ملزمان کو کٹہرے میں لایا جائے گا۔