اسلام آباد: بشریٰ بی بی تقریب حلف برداری میں الگ ہی نظرآئیں۔ خاتون اول نے پُروقار سفید عبایا زیب تن کی، سب سے گھلی ملیں لیکن نظریں جھکائیں رکھیں۔

نہ مہنگے اور برانڈڈ بیگ نہ ہی پروٹوکول کا تام جھام، خاتون اول تقریب حلف برداری میں سادگی کا عملی نمونہ نظرآئیں۔

سفید عبایا پہنیں بشریٰ بی بی نے تسبیح بھی سفید رنگ کی تھامی انگوٹھی اور نیل پالش کا رنگ بھی سفید تھا۔

اپنی نشست سنبھالی تو ساتھ ہی بیٹھی سپہ سالار کی اہلیہ سے مصافحہ کیا اور بات چیت بھی ہوئی۔

Advertisements

خاتون اول نے اپنے پہلے پیغام میں  خوشی کا اظہار نہیں بلکہ دل میں چھپے ڈر و خوف کو بیان کیا اور کہا کہ اللہ نے بھاری ذمہ داری ڈالی ہے، ان شاءاللہ عوام کی توقعات پر پورا اتریں گے۔