کراچی:کراچی کے علاقے اورنگی ٹاون میں شارٹ سرکٹ کےباعث اسکول وین میں آگ لگ گئی ،5 سے زائد بچے جھلس کر زخمی ہوگئے ۔

ہفتے کو کراچی کے علاقے اورنگی ٹاون میں قطر اپستال کے قریب شارٹ سرکٹ کے باعث بچوں کی اسکول وین میں آگ لگ گئی، دیکھتے ہی دیکھتےآگ نے پوری گاڑی کو اپنی لپیٹ میں لے لیا ،جس کے باعث 5سے زائد بچے چھلس گئے۔

زخمی بچوں میں سے 5کو طبی امداد کیلئےسول اسپتال کے برنس وارڈ لایا گیا جہاں  ڈاکٹرز نے 3بچوں کوطبی امداد کے بعد گھر بھیج دیا جبکہ 2بچوں کا علاج جاری ہے ۔

زخمی بچوں میں حارث ایمان  علی جان اور عباد شامل ہیں ڈاکٹرز کے مطابق  زیر علاج بچوں کی حالت خطرے سے باہر ہے ۔