اسلام آباد: پاکستان نے بھارت کو واضح پیغام دیتے ہوئے کہا اگر بھارت نے ہم پر جنگ مسلط کی یا کوئی مہم جوئی کرنے کی کوشش کی تو پاکستان مناسب جواب دے گا۔

جبکہ دوسری جانب پاکستان اور بھارت میں بڑھتی ہوئی کشیدگی کے پیش نظر دفتر خارجہ نے کرائسز مینجمنٹ سیل تشکیل دے دیا ہے، جو چوبیس گھنٹے کام کرے گا۔

ترجمان دفترخارجہ کے مطابق کرائسز مینجمنٹ سیل سفارتی سطح اور سرحدی صورتحال کے حوالے سے رابطے میں رہے گا۔ اس سلسلے میں رابطہ نمبرز بھی جاری کیے جائیں گے۔