اسلام آباد: وزارتِ مذہبی امور نے عوامی سہولت کو مدِ نظر رکھتے ہوئے حج درخواستوں کی وصولی کی تاریخ میں 3 دن کی توسیع کر دی۔

تفصیلات کے مطابق وزارتِ مذہبی امور کی جانب سے ملکی صورتِ حال کے پیش نظر حج درخواستوں کی وصولی میں توسیع کر دی گئی ہے۔

حج درخواستوں کے سلسلے میں برف باری، سیلابی صورتِ حال کے باعث درخواست گزاروں کو مشکلات کا سامنا تھا۔

ترجمان مذہبی امور کا کہنا ہے کہ حج درخواستوں کی وصولی میں 3 دن کی توسیع کہ گئی ہے، سرکاری اسکیم کیلئے  حج درخواستیں 9 مارچ تک وصول کی جائیں گی۔

مذہبی امور کے ترجمان کے مطابق سرکاری حج اسکیم کی قرعہ اندازی 11 مارچ کو ہوگی۔