اسلام آباد:قومی احتساب بیورو (نیب)نے اسپیکر قومی اسمبلی اسد قیصرکیخلاف آمدنی سے زائد اثاثہ جات اور من پسند افراد کی بھرتی کیسز کی تحقیقات بند کردیں ۔
تفصیلات کے مطابق، پیر کو نیب کی جانب سے اسپیکرقومی اسمبلی اسد قیصرکیخلاف آمدنی سے زائد اثاثہ جات اور من پسند بھرتیوں کے کیس کی تحقیقات ختم کردیں گئیں۔
نیب ذرائع کا کہنا ہے کہ اسپیکراسد قیصرنے اپنے تمام اثاثوں کی تفصیلات فراہم کیں اور تفصیلات سے ہٹ کر اثاثے ثابت ہونے پر صبط کرنے کا حلف نامہ بھی جمع کرایا ہے ۔
اسد قیصرپر بطوراسپیکرخیبر پختونخواہ اسمبلی بھرتیاں کرنے کا کیس بھی ثابت نہیں ہوسکا کیونکہ اسپیکر کے پاس کلاس چہارم کے ملازمین پشاورسے رکھنےکا اختیارتھا اس کے علاوہ مردان اورصوابی سے من پسند ملازمین کوبھرتی کرنے کا الزام بھی ثابت نہیں ہوا ۔
نیب ترجمان نے تصدیق کرتے ہوئے کہاکہ اسپیکراسد قیصرنے تحقیقات میں نیب سے تعاون کیا اب ان کیخلاف کسی کیس میں تحقیقات نہیں ہورہی ،ہائی کورٹ میں کیس زیرسماعت ہونے پر فیصلہ آنے کی صورت میں جائزہ لیا جائے گا ۔
Facebook Comments
بذریعہ فیس بک تبصرہ تحریر کریں