• صفحہ اول
  • /
  • خبریں
  • /
  • عراق: دریائے دجلہ میں مسافرکشتی ڈوبنے سے 72 افراد جاں بحق

عراق: دریائے دجلہ میں مسافرکشتی ڈوبنے سے 72 افراد جاں بحق

عراق کے تاریخی شہر موصل کے قریب دریائے دجلہ میں مسافروں سے بھری کشتی ڈوب گئی جس کے نتیجے میں 72 افراد جاں بحق اور متعدد لاپتہ ہوگئے۔

عراق کے محکمہ شہری دفاع کی جانب سے جاری بیان کے مطابق موصل کے قریب دریائے دجلہ میں مسافر بردار کشتی ڈوب گئی جس میں گنجائش سے زیادہ افراد سوار تھے۔

موصل کے محکمہ شہری دفاع کے سربراہ حسام خلیل نے بتایا کہ جاں بحق ہونے والوں میں زیادہ تعداد خواتین اور بچوں کی ہے جو تیر کر اپنی جان نہ بچاسکے۔

انہوں نے کہا کہ جشن بہاراں کے سلسلے میں ‘نوروز’ کا تہوار منایا جارہا ہے جس کی وجہ سے ام رباعین جزیرے میں سیاحوں کی کافی آمد و رفت ہے۔

حسام خلیل نے بتایا کہ ریسکیو ٹیمیں لاپتہ ہونے والے افراد کو ڈھونڈنے کی کوشش کررہی ہیں اور اب تک 67 افراد کو بچایا جاچکا ہے جبکہ 55 افراد لاپتہ ہیں۔

اطلاعات کے مطابق کشتی میں 200 کے قریب افراد سوار تھے جو کرد سال نو کا جشن منانے کیلئے دریائے دجلہ کے کنارے واقعے ایک تھیم پارک کی جانب جارہے تھے۔

Advertisements
julia rana solicitors london

عراقی وزیراعظم عادل عبدالمہدی نے کشتی ڈوبنے کے واقعہ کی تحقیقات کا حکم دے دیا ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply