لفاظی
مغالطے ،مبالغے
طرازی
وسوے،ولولے
لذتوں کے ہجوم میں
ذلتوں کی دھوم میں
جبلتوں کے لزوم میں
وضاحتوں کے ابہام میں
چاہتوں کے الزام میں
اندیشوں کے الہام میں
لہجوں کی تھکن ہے
سپنوں کی چبھن ہے
سینوں کی جلن ہے
اظہار کی کشاکش ہے
اقرار کی خواہش ہے
اصرار کی کاہش ہے
سانس کے الاؤ میں
جسم کے کھچاؤ میں
خون کے بہاؤ میں
اَن سُنی آہٹیں ہیں
اَن کہی رکاوٹیں ہیں
درد بھری اکساہٹیں ہیں
Advertisements
کبھی رنگین حماقت ہے
کبھی سنگین مسافت ہے
کبھی حسین رفاقت ہے
بہت کچھ کہنے کی آرزو میں
کچھ بھی کہہ نہ سکنا
کسی کے ساتھ رہنے کی آرزو میں
اپنے ساتھ بھی رہ نہ سکنا
لفاظی
مغالطے ، مبالغے ۔۔۔۔
Facebook Comments
بذریعہ فیس بک تبصرہ تحریر کریں