آج کل سوشل میڈیا پر یہ خبر بہت تیزی سے گردش کر رہی ہے کہ دنیا کے 12 سے زائد (بلکہ مجموعی طور پر 30 سے زیادہ) ممالک کی حکومتوں نے اپنے شہریوں کو خوراک اور ہنگامی سامان ذخیرہ کرنے کی وارننگ دی ہے۔ اس خبر نے لوگوں میں خوف و ہراس بھی پھیلا دیا ہے، کچھ لوگ اسے امریکہ ایران تنازعہ سے جوڑ رہے ہین اور فیس بکی مجاہدین اسے ابھی سے ایران کی فتح اور نجانے کیا کیا قرار دے رہے ہیں۔۔
لیکن آئیے جانتے ہیں کہ اس کے پیچھے اصل حقائق، وجوہات اور حکومتی ہدایات کیا کہتی ہیں؟
•۔ یہ وارننگ کیوں جاری کی گئی ہے؟
بہت سے لوگ اسے کسی فوری جنگ یا دنیا کے خاتمے کا پیش خیمہ سمجھ رہے ہیں، جب کہ حقیقت اس کے برعکس ہے۔ متعلقہ حکومتوں (جیسے فرانس، برطانیہ، جرمنی، سویڈن اور کینیڈا وغیرہ) نے واضح کیا ہے کہ یہ ہدایات کسی ایک مخصوص خطرے کے لیے نہیں ہیں، بلکہ اس کا مقصد درج ذیل ممکنہ ہنگامی حالات سے نمٹنے کے لیے شہریوں کو خود کفیل بنانا ہے:
• شدید موسمی حالات اور قدرتی آفات: سیلاب، شدید برفباری، طوفان یا جنگلات کی آگ جو اچانک نظامِ زندگی کو معطل کر دیتی ہے۔
• سپلائی چین میں تعطل: سائبر حملوں یا تکنیکی خرابیوں کی وجہ سے بجلی، پانی یا انٹرنیٹ کی فراہمی عارضی طور پر رک جانا۔
• جغرافیائی و سیاسی کشیدگی: بین الاقوامی سطح پر بڑھتی ہوئی کشیدگی کے پیشِ نظر پیشگی تیاری۔
کس ملک نے کتنے دن کے راشن کا کہا ہے؟
حکومتوں نے خطرے کی نوعیت اور اپنے وسائل کے حساب سے الگ الگ مدت کے لیے ہنگامی کٹ رکھنے کا مشورہ دیا ہے:
•کم از کم 3 دن (72 گھنٹے) کا راشن:
* فرانس، برطانیہ، کینیڈا، جاپان، میکسیکو اور نیدرلینڈز جیسے ممالک نے اپنے شہریوں کو ہدایت کی ہے کہ وہ کم از کم 72 گھنٹوں تک کا ضروری سامان اپنے پاس رکھیں تاکہ ریسکیو ٹیموں کے پہنچنے تک گزارا ہو سکے۔
• ایک ہفتہ (7 دن) کا راشن:
* سویڈن اور ناروے نے شہریوں کو ایک ہفتے تک کا ذخیرہ رکھنے کا مشورہ دیا ہے (سویڈن نے اس سلسلے میں باقاعدہ معلوماتی کتابچے بھی جاری کیے ہیں)۔
• 10 دن کا راشن:
* جرمنی اس فہرست میں سب سے آگے ہے، جہاں کی حکومت نے شہریوں کو ترغیب دی ہے کہ وہ کم از کم 10 دن تک کا غذائی ذخیرہ اپنے گھروں میں محفوظ رکھیں۔
ہنگامی کٹ (Emergency Kit) میں کیا شامل ہونا چاہیے؟
ان حکومتوں کے مطابق، اس کٹ میں درج ذیل بنیادی اشیاء کا ہونا ضروری ہے:
* خشک اور ڈبہ بند خوراک (Non-perishable food) جو جلدی خراب نہ ہو۔
* پینے کا صاف پانی (فی شخص کے حساب سے روزانہ کا مناسب کوٹہ)۔
* ضروری ادویات اور فرسٹ ایڈ باکس۔
* ٹارچ، اضافی بیٹریاں اور ہنگامی ریڈیو۔
خلاصہ:
یہ وارننگ خوف پھیلانے کے لیے نہیں بلکہ “احتیاط علاج سے بہتر ہے” کے اصول کے تحت دی گئی ہے۔ ہر باشعور شہری کو قدرتی آفات یا عارضی بحرانوں سے نمٹنے کے لیے ان بنیادی باتوں کا خیال رکھنا چاہیے۔ اور ہم پاکستانیوں کو اس وقت شعور سے اور محتاط ہو کر پیش بینی کرنا ہو گی
